Տնտեսագետ. ԵԱՏՄ–ին անդամակցելը կվատթարացնի Ադրբեջանի հարաբերություններն Արևմուտքի հետ

Առանց ղարաբաղյան հակամարտության կարգավորման Ադրբեջանի համար շատ դժվար կլինի անդամակցել ԵԱՏՄ–ին, քանի որ այդ միության մեջ է ՀՀ–ն։ Այդ մասին հայտարարել է տնտեսագետ Նատիգ Ջաֆարլին։

Նրա խոսքով, Ադրբեջանի տնտեսությունն ավելի սերտ կապված է ԵՄ–ի հետ, քան ԱՊՀ–ի։ Ադրբեջանի արտահանման ավելի քան 50%-ն ուղղված են դեպի Եվրոպա, մոտ 20%-ը` Իսրայել։

Նա նշել է, որ Ադրբեջանի տնտեսական գործընկերներ են`արևմտյան երկրները։ Բաքուն սերտ տնտեսական կապեր ունի ՌԴ–ի, Ղազախստանի, Բելառուսի հետ, սակայն ԵԱՏՄ–ին անդամակցությունն Ադրբեջանին որևէ լրացուցիչ առավելություն չի տա։

Ըստ նրա, Ադրբեջանն անդամակցելով ԵԱՏՄ–ին կվատթարացնի հարաբերություններն Արևմուտքի հետ։