Կառավարությունը հաստատել է Երևանում Ակադեմիական քաղաքի կառուցման վայրը

Հայաստանի կառավարությունը վերջնականապես հաստատել է Երևանում Ակադեմիական քաղաքի կառուցման վայրը։ Հիմնական հարթակները կլինեն մայրաքաղաքի 17-րդ թաղամասի տարածքը և "Հայֆիլմ"կինոստուդիայի հատվածը:

Այդ տեղամասերում նախատեսվում է տեղակայել մինչև 16 բարձրագույն ուսումնական հաստատություն, որոնց թվում կլինեն ինչպես պետական, այնպես էլ մասնավոր և միջազգային համալսարաններ:

Նախագծով զբաղվում է գերմանական gmp International GmbH ընկերությունը, իսկ շինարարությունը տեղի կունենա փուլերով՝ սկսած 2025 թվականից։ Ակնկալվում է, որ առաջին ուսանողները կկարողանան սկսել ուսումն Ակադեմիական քաղաքում արդեն 2030 թվականին:

Ավելի վաղ հաղորդվել էր, որ Մասաչուսեթսի տեխնոլոգիական ինստիտուտը և Կալիֆորնիայի տեխնոլոգիական ինստիտուտը հայտնել են, որ պատրաստ են համագործակցել հայկական կողմի հետ Ակադեմգորոդոկ նախագծի շրջանակներում: Նրանց հետ բանակցությունները, ամենայն հավանականությամբ, շարունակվում են։