Լևոն Երանոսյանը մեղավոր ճանաչվեց, բայց համաներմամբ ազատ արձակվեց

Երևանի ընդհանուր իրավասության դատարանը որոշեց՝ ՀՀ նախկին փոխոստիկանապետ, Ոստիկանության զորքերի նախկին հրամանատար Լևոն Երանոսյանին առաջադրված մեղադրանքներից մեկի մասով քրեական դատավարությունը դադարեցնել վաղեմության ժամկետի հիմքով, մյուս առաջադրված մեղադրանքով մեղավոր ճանաչել 4 տարվա ազատազրկման:

Երանոսյանի նկատմամբ, սակայն, կիրառվեց համաներում՝  նա ազատ արձակվեց պատժի կրումից:

Համաներումը Էրեբունի Երևանի հիմնադրման 2800-ամյակի և ՀՀ առաջին անկախության հռչակման 100-ամյակի առիթով է:

Նշենք, որ Հայաստանի նախկին փոխոստիկանապետը մեղադրվում է 2018-ի հեղափոխության օրերին ոստիկանության կողմից հատուկ միջոցներ կիրառելու ժամանակ պաշտոնեական լիազորություններն անցնելու մեջ։