Կգնահատենք հետո. Պեսկովը՝ Փաշինյան-Բլինքեն-ֆոն դեր Լայեն հանդիպման մասին

Ռուսաստանը կկարողանա գնահատել Հայաստանի վարչապետ Նիկոլ Փաշինյանի և Եվրահանձնաժողովի ղեկավար Ուրսուլա ֆոն դեր Լայենի և ԱՄՆ պետքարտուղար Էնթոնի Բլինքենի բանակցությունների արդյունքները միայն այն բանից հետո, երբ Երևանից պաշտոնական հայտարարություններ հրապարակվեն այս հարցի վերաբերյալ։ Այս մասին ճեպազրույցում հայտարարել է ՌԴ նախագահի մամուլի քարտուղար Դմիտրի Պեսկովը։

Նրա խոսքով, այս հանդիպման ամբողջական օրակարգը դեռ հայտնի չէ, թեեւ կան որոշակի ուղերձներ։

Պեսկովը կոչ է արել սպասել «հայկական կողմից որոշ հայտարարությունների այն մասին, թե ինչ նկատի ունեն անդրատլանտյան ինտեգրման թեման քննարկելիս»։