Ջրի սակագինը կէժանանա

Վաղը` նոյեմբերի 29-ին, ՀՀ հանրային ծառայությունները կարգավորող հանձնաժողովը ջրի սակագնի վերաբերյալ որոշում է կայացնելու։ Այս մասին լրագրողներին ասաց ՀՀ հանրային ծառայությունները կարգավորող հանձնաժողովի նախագահ Գարեգին Բաղրամյանը, ավելացնելով, որ այսօրվա գործող 208.4 դրամը դառնում է 206 դրամ:

Նա նշեց, որ կա քննարկում և համաձայնեցում կառավարության հետ, որ սուբսիդավորումը շարունակվելու է, փոփոխվելու է սուբսիդիայի մեծությունը, բայց սպառողն իր վրա ոչինչ չի զգա։

"Սոցիալապես անապահով սպառողների համար ջրի սակագինը հաշվարկային 180 դրամ է, սակայն սպառողի համար կշարունակի գործել 200 դրամով",- ասաց նա:

Անդրադառնալով լրագրողների հարցին, թե  գազի սակագնի փոփոխություն նախատեսվո՞ւմ է, Բաղրամյանը ասաց, որ օգոստոսի 1–ին է եղել վերջին վերանայումը, գինը մնացել է անփոփոխ և եթե սահմանին գազի գնի փոփոխություն չլինի՝ վերանայման գործընթաց չի լինի։ Ապա հիշեցրեց.

"Համաձայնություն է կնքվել, որ առաջիկա 10 տարիների համար ֆիքսվում է 165 դոլարը":