Կյանքի և մահվան հարց է. Արմեն Այվազյան

Քաղաքագետ Արմեն Այվազյանը գրում է.

"Արցախի անկումից հետո առաջացած նոր սպառնալից պայմաններում Հայաստանի Հանրապետության ռազմական անվտանգության մեծապես աճած խոցելիությունը չեզոքացնելու նպատակով անհրաժեշտ է արագորեն լուծել հետևյալ խնդիրները.

1. ՀՀ ռազմական քաղաքականությունը վերջապես կառուցել ազգ-բանակ մոդելի հիման վրա, որը նախատեսում է մեծաթիվ ու մարտունակ բանակի, արդյունավետ պահեստազորի ու բազմահազարանոց աշխարհազորի առկայություն։

2. Օր առաջ հաստատել Իրանի Իսլամական Հանրապետության հետ ռազմական փոխօգնության մասին պայմանագիր և լիակատար ռազմավարական դաշինք։

3. Օր առաջ հաստատել Ֆրանսիայի Հանրապետության հետ ռազմական փոխօգնության մասին պայմանագիր և առավելագույն խորության այնպիսի ռազմավարական դաշինք, որին պատրաստ կլինի Ֆրանսիան։

4. Օր առաջ հաստատել Հնդկաստանի Հանրապետության հետ ռազմական փոխգործակցության պայմանագիր և առավելագույն խորության այնպիսի ռազմավարական դաշինք, որին պատրաստ կլինի Հնդկաստանը։

5. ՀՀ տարածքում անցկացնել հայ-իրանական, հայ-ֆրանսիական և հայ-հնդկական ցամաքային և օդային խոշոր զորավարժություններ։

6. Հագեցնել ՀՀ ԶՈՒ-ն որակյալ (մասամբ հայկական) զենք ու զինամթերքով։

7. Կտրուկ բարձրացնել Սյունիքի ու սահմանամերձ մյուս շրջանների պաշտպանունակության մակարդակը՝ փոխկապակցված ամրաշրջանների կառուցման միջոցով։

Մնում է ունենալ այնպիսի քաղաքական իշխանություն, որն ամբողջ թափով կլծվի այս կենսական նշանակություն ունեցող գործերին։ Կյանքի և մահվան հարց է։"