Լավրովը՝ Միրզոյանին. Ռուսաստանը լուրջ շահեր ունի Հարավային Կովկասում

Ռուսաստանը լուրջ շահեր ունի Հարավային Կովկասում, Հայաստանի արտգործնախարար Արարատ Միրզոյանին ասել է ՌԴ ԱԳ նախարար Սերգեյ Լավրովը։

ՌԴ ԱԳՆ ղեկավարի խոսքով՝ Մոսկվան պատրաստ է նպաստել Հարավային Կովկասում խաղաղության և կայունության վերջնական հաստատմանը։

«Եռակողմ հայտարարությունների դերը շատ էական է։ Այս համաձայնագրերը պետք է վճռորոշ նշանակություն ունենան բոլոր հարցերի վերաբերյալ բոլոր լուծումները գտնելու համար՝ ինչպես խաղաղության պայմանագրի, այնպես էլ բոլոր ճանապարհների ապաշրջափակման, ինչպես նաև սահմանի սահմանազատման հետ կապված՝ հետագա սահմանագծմամբ։

Կարծում եմ, որ այս բոլոր ոլորտներում առաջընթացն առանցքային պայման է Հարավային Կովկասում խաղաղության հասնելու համար։ Ռուսաստանը պատմական դեր է խաղացել այս տարածաշրջանում և ունի ամենալուրջ շահերը։ Համոզված եմ, որ մեր դաշնակիցները դա հասկանում են։ Այս կարգավիճակով Ռուսաստանը կձգտի անել հնարավորը, որպեսզի առաջիկա իրադարձություններն օգտակար լինեն և հասնեն կոնկրետ արդյունքների»,- ասել է Լավրովը։

Նա նաեւ նշել է, որ Ռուսաստանը շահագրգռված է Հայաստանի հետ առեւտրատնտեսական համագործակցության խթանմամբ։

«Մենք շահագրգռված ենք շարունակել առաջ մղել մեր ղեկավարների միջև բոլոր պայմանավորվածությունները, առաջին հերթին՝ առևտրատնտեսական համագործակցությունը, որը դարձել է հայ-ռուսական հարաբերությունների իրական լոկոմոտիվը, և կարծում եմ, որ մենք կանդրադառնանք նաև փոխգործակցության հարցերին։ ինտեգրացիոն ասոցիացիաներն են՝ ՀԱՊԿ-ը, ԵԱՏՄ-ն և ԱՊՀ-ն»,- ասել է Լավրովը։