"Classic Strings"-ի մասնակիցները հանդես են եկել Հայաստանի պետական սիմֆոնիկ նվագախմբի հետ

Հայաստանի պետական սիմֆոնիկ նվագախումբը մայիսի 16-ից 24-ը գտնվում է Արաբական Միացյալ Էմիրությունների Դուբայ քաղաքում։

Նվագախումբը՝ գեղարվեստական ղեկավար և գլխավոր դիրիժոր Սերգեյ Սմբատյանի, ինչպես նաև դիրիժոր Դմիտրի Յաբլոնսկու ղեկավարությամբ նվագակցում էր "InClassica" միջազգային փառատոնի շրջանակներում անցկացվող "Classic Strings" միջազգային մրցույթի եզրափակիչ փուլ անցած երաժիշտներին։

Նշենք, որ մրցույթն անցկացվում էր ջութակ և թավջութակ մասնագիտություններով։

Մրցույթի կազմակերպիչն է "SAMIT Event Group"-ը։

"Classic Strings" մրցույթի եզրափակիչ փուլերի համերգներն ուղիղ եթերում հեռարձակվել են հեղինակավոր The Violin Channel-ի կողմից: