Նիկոլ Փաշինյանը կմասնակցի ՀԱՊԿ գագաթնաժողովին

Մոսկվայում տեղի կունենա Հավաքական անվտանգության պայմանագրի կազմակերպության (ՀԱՊԿ) անդամ երկրների գագաթնաժողովը։

Այդ մասին այսօր, մայիսի 12-ին հայտարարել է ՌԴ նախագահի մամուլի քարտուղար Դմիտրի Պեսկովը։

«Մայիսի 16-ին՝ ՀԱՊԿ 30-ամյակի կապակցությամբ, Մոսկվայում տեղի կունենա ՀԱՊԿ անդամ երկրների գագաթնաժողովը։ Դա կլինի և՛ առաջնորդների հանդիպում, և՛ նրանց առանձին շփում՝ աշխատանքային նախաճաշի ձևաչափով։

Ինչպես և ակնկալում ենք, այս միջոցառման արդյունքներով ՀԱՊԿ գլխավոր քարտուղար Ստանիսլավ Զասը և ՀԱՊԿ-ում ներկայումս նախագահող Հայաստանի կառավարության ղեկավար Նիկոլ Փաշինյանը տեղեկատվություն կտրամադրեն լրագրողներին»,- լրագրողներին ասաց Պեսկովը։