Պաշտպանության բանակի դուրսբերումը կնշանակի Արցախի հայության տեղահանություն

Պաշտպանության բանակի դուրսբերումը Լեռնային Ղարաբաղից կնշանակի Արցախը դատարկել հայությունից, իրականում Ադրբեջանն իր պահվածքով ձևակերպում է հենց այս պահանջը։

Այս մասին կառավարության նիստում հայտարարեց վարչապետ Նիկոլ Փաշինյանը։

«Սա արդարացնում է նաև Ադրբեջանի քաղաքականությունը՝ ոչնչացնելու իր կողմից օկուպացված Արցախի շրջաններում հայկական ժառանգության բոլոր հետքերը, այդ թվում՝ հազարամյա եկեղեցիները, խաչքարերը»,- ասել է Փաշինյանը։

Նա նշեց, որ ադրբեջանական զինուժի ներխուժումը արցախյան Փառուխ գյուղի ուղղությամբ վկայում է այն մասին, որ Լեռնային Ղարաբաղի հայերը պաշտպանության կարիք ունեն, հակառակ դեպքում նրանք կդառնան նոր ցեղասպանության զոհ։