Հայաստանում մեկ օրում կորոնավիրուսով վարակվելու 1931 նոր դեպք է գրանցվել

Հայաստանում հունվարի 26-ին՝ ժամը 11:00-ի դրությամբ կորոնավիրուսով վարակվելու 1931 նոր դեպք է գրանցվել, վարակվածների ընդհանուր թիվը հասել է 355 662 դեպքի:

Այս մասին հայտնեցին ՀՀ ԱՆ հիվանդությունների վերահսկման և կանխարգելման ազգային կենտրոնից:

Ընդհանուր թեստերի թիվը կազմում է 2 692 959, վերջին մեկ օրում` 7721 նոր թեստավորում: Փաստացի այս պահին բուժվում է 11408 պացիենտ: Մեկ օրում աճել է 1783-ով:

Վերջին տվյալներով ապաքինվել է 334 696 անձ` վերջին մեկ օրում 147 անձ: Մեկ օրում կորոնավիրուսի հետևանքով մահացել է 1 քաղաքացի, մահացածների թիվը 8033 է: