ԱՄՆ-ի զորքի եվրոպական հրամանատարությունը Twitter-ում տարածում է Վրաստանում ընթացող «Agile spirit 2019» զորավարժությունների տեսագրությունը: Ինչպես երևում է կադրերում, Վազիանիի ռազմաբազայում անցկացված ուսուցման ժամանակ զինվորները ամերիկյան տարբեր զենքի հետ միասին կիրառում են նաև «Ջավելինների» հրթիռային համալիրները: ԱՄՆ-ի պետական դեպարտամենտը Վրաստանին 75 միլիոն դոլլար արժողությամբ երրորդ սերնդի հակատանկային հրթիռային համալիերների փոխանցման որոշումը կայացրել էր 2017 թվականին: «Agile spirit 2019» բազմազգ զորավարժությունը նախորդ տարիների հետ համեմատ այս տարի ամենամասշտաբայինն է: Զորավարժություններին ներգրավված է ՆԱՏՕ-ի անդամ և գործընկեր 14 երկիր: «Agile spirit 2019» զորավարժությունն սկսվել է հուլիսի 27-ին և ավարտվելու է օգոստոսի 9-ին:
