2021 թվականի փետրվարի 22-ին մամուլում հայտնված այն հաղորդագրության կապակցությամբ, որ առեւանգվել է Հայաստանում գրանցված Բոինգ 737 ինքնաթիռը, քաղավիացիայի կոմիտեն հայտնում է, որ համապատասխան մարմիններից պաշտոնապես չի ստացել գողության փաստի մասին հաստատված տեղեկատվություն: «Միևնույն ժամանակ, հարկ է նշել, որ քաղավիացիայի կոմիտեին հայտնի է ինքնաթիռի գտնվելու վայրի մասին և ներկայումս սերտորեն համագործակցում է համապատասխան երկրների ավիացիոն իշխանությունների հետ», - ասված է գերատեսչության հրապարակված հաղորդագրության մեջ: Կոմիտեն նաեւ խոստանում է լրացուցիչ տեղեկություններ տրամադրել հետաքննության ավարտից հետո: Ինչ է տեղի ունեցել ՀՀ վարչապետի նախկին խորհրդական Հակոբ Ճաղարյանը այսօր՝ փետրվարի 23-ին, հայտարարել է. «Փետրվարի 21-ին ՀՀ քաղաքացիական Ավիացիայի Կոմիտեն (ՔԱԿ) հեռագիր է ստացել Միացյալ Արաբական Էմիրությունների Քաղաքացիական Ավիացիայի Գլխավոր Վարչության կողմից (GDCA), հայկական գրանցմամբ, EK-FAA համարանիշով Բոինգ-737 օդանավի առեւանգման մասին: Օդանավը թռիչք է կատարել Էստոնական Տալլինից, եւ, ըստ պլանի պետք է վայրէջք կատարեր Երեւանում: Բայց դրա փոխարեն օդում որոշում է կայացվել գնալ Էմիրաթներ, տեխսպասարկման: Եվ «տեխնիկական անսարքության պատճառով» վայրէջք է կատարել Թեհրանում: Մանրամասները հաջորդիվ Հայաստանը, ցավոք, «ամրագրում» է իր տեղը համաշխարհային ավիացիայի «սեւ ցուցակում»:
