Սյունիքում Իրանի գլխավոր հյուպատոսության բացման ժամկետները կհայտարարվեն շատ շուտով։ Այս մասին լրագրողներին ասել է ՀՀ-ում Իրանի արտակարգ և լիազոր դեսպան Աբբաս Բադախշան Զոհուրին։ "Հյուպատոսություն բացելու համար որոշակի վարչական գործընթացներ են պահանջվում, որոնք այժմ ընթացքի մեջ են։ Ե՛վ հայկական, և՛ իրանական կողմերը պետք է ավարտին հասցնեն այդ գործընթացը»,- ասել է դեսպանը։ Ավելի վաղ հայտնի էր դարձել, որ Իրանը նպատակ ունի հյուպատոսություն բացել Կապանում։
