Հունաստանի պաշտպանության նախարար Նիկոս Դենդիասը մարտի 4-ին պաշտոնական այցով կժամանի Հայաստան, որտեղ կհանդիպի պաշտպանության նախարար Սուրեն Պապիկյանի հետ։ Ըստ Հունաստանում ՀՀ դեսպանության՝ սա կարճ ժամանակահատվածում արդեն երկրորդ հանդիպումն է՝ 2020 թվականի դեկտեմբերի 14-ին Աթենքում կայացած հանդիպումից հետո։ Այցի ընթացքում կքննարկվեն Հունաստանի և Հայաստանի միջև պաշտպանական ոլորտում համագործակցության հետագա ամրապնդումը, ինչպես նաև տարածաշրջանում անվտանգության և պաշտպանության զարգացումը։ Երևան կատարած այցի շրջանակներում հույն նախարարին կընդունեն նաև ՀՀ վարչապետ Նիկոլ Փաշինյանը և ԱԳ նախարար Արարատ Միրզոյանը։ Նախարար Դենդիասը կայցելի նաև Հայոց ցեղասպանության զոհերի հուշահամալիր։
