Ազգային Ժողովի պատգամավոր, գեներալ Մանվել Գրիգորյանը տեղափոխվել է «Արմենիա» բժշկական կենտրոն: Այս մասին հայտնում են բժշկական կենտրոնից: Նշվում է, որ Գրիգորյանը գտնվում է Էնդոկրինոլոգիայի բաժանմունքում: Սակայն այլ մանրամասներ չեն բերվում: Հիշեցնենք, ՀՀ Ազգային ժողովի պատգամավոր Մանվել Գրիգորյանին մեղադրանք է առաջադրվել ՀՀ քրեական օրենսգրքի 235-րդ հոդվածի 2-րդ մասով՝ ապօրինի կերպով ռազմամթերք ձեռք բերելու և այլ անձանց հետ նախնական համաձայնությամբ պահելու համար, ինչպես նաև ՀՀ քրեական օրենսգրքի 179-րդ հոդվածի 3-րդ մասի 1-ին կետով՝ մի խումբ անձանց հետ նախնական համաձայնությամբ յուրացման եղանակով իր վստահությանը հանձնված առանձնապես խոշոր չափերով ուրիշի գույք հափշտակելու համար: