Նախագահ Արմեն Սարգսյանը շնորհավորական ուղերձ է հղել Հայաստանի Անկախության հռչակագրի ընդունման 31-ամյակի առթիվ: Ներկայացնում ենք ամբողջական ուղերձը. «Շնորհավորում եմ Հայաստանի Անկախության հռչակագրի ընդունման 31-ամյակի առթիվ: 1990թ. օգոստոսի 23-ին Հայաստանի Գերագույն խորհրդի ընդունած Անկախության հռչակագիրն ազդարարեց անկախ պետականության հաստատման գործընթացի սկիզբը: Անկախության հռչակագրի տարեդարձը աշխատելու եւ արարելու, պատասխանատու եւ կարգապահ լինելու, համախմբված ու համերաշխ, իսկապես ուժեղ երկիր կառուցելու պարտավորեցնող ազդակ է: Հավատարիմ մնանք եւ պաշտպան լինենք մեր անկախությանը, մեր պետականությանը, մեր ինքնությանը»։
