Ոստիկանության աշխատակիցների այսօրվա անօրինական գործողությունները վարկաբեկում են ամբողջ իրավապահ համակարգը: Այս մասին Ազատության հրապարակում մայիսի 2-ին դիմադրության շարժման պատգամավոր-իրավաբանների ասուլիսի ժամանակ հայտարարեց մասնակիցներից մեկը՝ «Հայաստան» խմբակցության պատգամավոր Արթուր Ղազինյանը։ Պատգամավորը հիշեցրեց քաղաքացիներին ոստիկանություն բերման ենթարկելու կոշտ մեթոդների մասին: «Ոստիկանությունն անհիմն եւ ապօրինի ֆիզիկական ուժ է կիրառել։ Քաղաքական տեսանկյունից սա ես որպես գործող վարչախմբի կողմից ոստիկանությունը վարձկանների խմբի վերածելու փորձ եմ բնութագրում»,- ասաց Ղազինյանը։