Հայաստանի և Ադրբեջանի միջև խաղաղության պայմանագրի շուրջ բանակցությունները կարող են տեղի ունենալ Վաշինգտոնում, հայտարարել է Անվտանգության խորհրդի քարտուղար Արմեն Գրիգորյանը Հանրային հեռուստատեսությանը տված հարցազրույցում։ «Մենք պատրաստ ենք շարունակել բանակցությունները, որպեսզի ավարտենք աշխատանքը խաղաղության պայմանագրի շուրջ և, հնարավորության դեպքում, ստորագրենք այն մինչև տարեվերջ: Վաշինգտոնում տարբեր մակարդակներում բանակցություններ վարելու հնարավորություններ կան: Հայաստանը պատրաստ է դրան և հուսով է, որ նման հանդիպում տեղի կունենա»,- ասել է Գրիգորյանը՝ ընդգծելով, որ «հայկական կողմը գնում է բանակցությունների այն երկրներում, որտեղ տեսնում է հնարավորություններ, որտեղ կան հստակ առաջարկներ»։ Միաժամանակ, Գրիգորյանը խոստովանել է, թե, իբր, Մոսկվայից նման առաջարկների մասին տեղեկություն չունի։
