«Հանրապետության հրապարակ» կայարանում հիմնովին փոխարինվելու են երկու շարժասանդուղքները։ Այս մասին հայտնում են Երևանի մետրոպոլիտենից` տեղեկացնելով, որ աշխատանքները սկսված են: «Այսօր գիծ է դուրս բերվել թվով 4-րդ՝ 3 վագոնից բաղկացած շարժակազմը, որն ավելի հարմարավետ կդարձնի մեր սիրելի ուղևորների երթևեկությունը։ Երևանի մետրոպոլիտենում աշխատանքներն ընթանում են բնականոն հունով: Հաշվետու ժամանակահատվածում մետրոպոլիտենում ուղևորափոխադրումների թիվը կազմել է 444892 ուղևոր: Գիծ է դուրս բերվել 2836 շարժակազմ, որոնցից 514-ը՝ երեք վագոնանի, 1347-ը՝ երկու վագոնանի և 972-ը՝ մեկ վագոնանի։ Նախատեսված ուղևորափոխադրումը՝ 452550 ուղևոր։ Փաստացի տեղափոխվել է 444892 ուղևոր։ Կատարողականը 98,3 % է»,- հայտնում են մետրոպոլիտենից։
