ՀՀ առաջին նախագահ Լևոն Տեր-Պետրոսյանն իր առանձնատանն այսօր հյուրընկալել է Ղրղզստանի նախկին նախագահ Ասկար Ակաևին: Վերջինս Հայաստան է ժամանել Երևանի Սլավոնական համալսարանի հրավերով՝ վերջինիս պատվավոր դոկտորի տիտղոսի շնորհման արարողությանը մասնակցելու և դասախոսությունների շարքով հանդես գալու առիթով: "Տեր-Պետրոսյանը և Ակաևը շուրջ ութ տարի սերտորեն համագործակցել են, ինչպես ԱՊՀ, այնպեսև երկկողմ հարաբերությունների շրջանակում: Նրանց առանձնապես մերձեցրել է այն հանգամանքը, որ երկուսն էլ քաղաքականություն են եկել գիտությունից",- հայտնում է առաջին նախագահի խոսնակը:
