Հայաստանի վարչապետ Նիկոլ Փաշինյանը Պրահայի հանդիպումներից հետո անմիջապես մեկնեց Ռուսաստան՝ հայտնելու, թե կողմերի միջև ինչ պայմանավորվածություններ են ձեռք բերվել, և այնտեղ տեղի ունեցած բոլոր «կուլիսային խոսակցությունները»։ Այս մասին այսօր՝ հոկտեմբերի 10-ին, խորհրդարանում ճեպազրույցների ժամանակ հայտարարեց անկախ պատգամավոր Թագուհի Թովմասյանը։ Նրա խոսքով, Նիկոլ Փաշինյանը, ով մինչ իշխանության գալը «ժխտում էր Ռուսաստանի և նրա հզորության գոյությունը», Հայաստանում բոլորից շատ սկսեց ենթարկվել Ռուսաստանին։ «Հայաստանի պատմության մեջ Ռուսաստանին ավելի ենթակա իշխանություն չի եղել։ Կարծում եմ, որ այս այցը և դրան հաջորդած շնորհավորական ուղերձները դարձել են դրա վառ ապացույցը»,- ասաց Թովմասյանը։
