Activities calendar

07 September 2016

Չոր
07
Sep

Մամուլի տեսություն. Կարեն Կրապետյանն առաջիկա օրերին նշանակվելու է ՀՀ վարչապետ

Կարեն Կրապետյան

VERELQ-ը ներկայացնում է հայաստանյան տպագիր մամուլի տեսությունը, որում ներառված է կարևոր իրադարձությունների մասին ընդգրկուն տեղեկատվություն:

Չոր
07
Sep

Վլադիմիր Պուտինը կայցելի Հայաստա՞ն

Հոկտեմբերի 14-ին Երևան կայցելի ՌԴ նախագահ Վլադիմիր Պուտինը՝ նախագահների մակարդակով ՀԱՊԿ Հավաքական անվտանգության խորհրդի լիագումար նիստին մասնակցելու նպատակով:

Այս տեղեկատվությունը VERELQ-ի հետ զրույցում հաստատեց ՀԱՊԿ մամուլի քարտուղար Վլադիմիր Զայնետդինովը՝ նշելով, որ նախագահ Պուտինը միշտ մասնակցել է Հավաքական անվտանգության խորհրդի նիստերին: Սակայն միջոցառման անոնսն ու օրակարգը կհրապարակվի նիստից մեկ շաբաթ առաջ:

Չոր
07
Sep

Ձերբակալվել է Ադրբեջանի ազգային անվտանգության նախկին նախարարի որդին

Ադրբեջանում ձերբակալվել է ազգային անվտանգության նախկին նախարար Էլդար Մահմուդովի որդին` Անար Մահմուդովը: Այդ մասին հայտնում է «Ենի Մուսավատ» թերթը:

Պարբերականի տեղեկության համաձայն, միջադեպը տեղի է ունեցել մի քանի օր առաջ` Նարդարան գյուղում, որտեղ Մահմուդովները շքեղ վիլլա ունեն: Անար Մահմուդովի մեքենան կալանքի է առնվել ոստիկանության սովորական շրջայցի ընթացքում, որը կանոնավորապես իրականացվում է գյուղում հասարակական կարգի ապահովման համար:

Չոր
07
Sep

Ադրբեջանն ու Իրանն ավելացրել են երկկողմ ապրանքաշրջանառությունը 70%-ով

Վերջին ամիսների ընթացքում Իրանի ու Ադրբեջանի ապրանքաշրջանառության մակարդակն աճել է 70%-ով: Այդ մասին հայտարարել է Բաքվում Իրանի առևտրային ատտաշե Մոհամեդ Իբրահիմ Նագիզադեն:

Նրա խոսքով, վերջին չորս ամսվա ընթացքում Իրանից արտահանումն Ադրբեջան կազմել է 178 միլիոն դոլար, փոխանցում է haqqin.az-ը:

Ըստ նրա, ավելացել է նաև Ադրբեջանից արտահանման ծավալները դեպի Իրան: Այսպես, եթե 2015թ.-ին Ադրբեջանն Իրան է արտահանել 15 միլիոն դոլարի ապրանք, ապա վերջին ամիսներին նույնքան միլիոնի ապրանք:

Չոր
07
Sep

ՀԱՊԿ քարտուղարի պաշտոնում Բորդյուժային կփոխարինի Հայաստանի ներկայացուցիչը

Վաղարշակ Հարությունյան

ՀԱՊԿ գլխավոր քարտուղարի նոր անունը կհայտարարվի հոկտեմբերի 14-ին Երևանում, ՀԱՊԿ խորհրդի նիստի շրջանակում: Այս մասին հայտարարել է կազմակերպության գլխավոր քարտուղար Նիկոլայ Բորդյուժան:

Վերջինիս խոսքով, նոր քարտուղարի պաշտոնում կնշանակվի Հայաստանի ներկայացուցիչ:

«Ինձ այդ պաշտոնում կփոխարինի Հայաստանի ներկայացուցիչ, սակայն կոնկրետ ով այս պահին ասել չեմ կարող: Նրա անունը կհրապարակվի հոկտեմբերի 14-ին Երևանում՝ նախագահների մակարդակով Խորհրդի նիստի ժամանակ», — ՏԱՍՍ հաղորդմամբ ասել է նա:

Չոր
07
Sep

Կվիրիկաշվիլի. ՆԱՏՕ-ի պատվիրակության այցը Վրաստանին աջակցելու շատ ուժեղ ազդանշան է

Georgia Online-ի փոխանցմամբ՝ Վրաստանի վարչապետ Գեորգի Կվիրիկաշվիլին հայտարարել է, որ ՆԱՏՕ-ի պատվիրակության այցը Վրաստանի զարգացման աջակցությանն ու ժողովրդավարության ամրապնդմանն ուղղված կարևոր ազդանշան է:

«Դա մեր երկրի տարածքային ամբողջականությանն ու ինքնիշխանությանն աջակցելու շատ ուժեղ ազդանշան է և, բնականաբար, Վրաստանում իրականացված ժողովրդավարական բարեփոխումների ճանաչում ու ողջունում»,- նշել է վարչապետը:

Չոր
07
Sep

Իսրայելի վարչապետը կայցելի Բաքու

Իսրայելի վարչապետ Բենյամին Նեթանյահուն նախատեսում է հոկտեմբերին այցելել Ադրբեջան:

Իսրայելական NRG պարբերականը նշում է, որ հոկտեմբերին Իսրայելի վարչապետը կայցելի Ադրբեջան, ինչպես նաև Ղազախստան:

Նշվում է, որ վերջին շրջանում Իսրայելը ուշադրություն է դարձնում մահմեդական երկրների կողմ, մանավանդ շիական բնակչություն ունեցող: Այդ առումով Իսրայելը լրացուցիչ կերպով հետաքրքրված է Բաքվի հետ հարաբերությունների սերտացմամբ:

Չոր
07
Sep

ԱԶԿ-ի պատվիրակությունն ԱՄՆ-ում քննարկում է Գյուլենի արտահանձնման հարցը

Թուրքիայի իշխող Արդարություն ու զարգացում կուսակցության պատվիրակությունը բանակցություններ է անցկացնում Վաշինգտոնում՝ Ֆեթուլլահ Գյուլենի արտահանձնման շուրջ: Քննարկվելեն նաև սիրիական հակամարտությունն ու թուրք-ամերիկյան հարաբերությունները:

ԱԶԿ-ի անդամ Ռըզա Քավաքչը Քանը Անադոլուի հետ զրույցում նշել է,որ թուրքական պատվիրակության բանակցություններն ԱՄՆ-ում կտևեն չորս օր: Նրա խոսքով նախատեսված են հանդիպումներ ԱՄՆ-ի Կոնգրեսի, ԶԼՄ-ների և քաղաքացիական հասարակության ներկայացուցիչների հետ:

Չոր
07
Sep

The Wall Street Journal. Օբաման վարում է անատամ արտաքին քաղաքականություն

ԱՄՆ-ը դարձել է աշխարհում տեղի ունեցող իրադարձությունների դիտորդ՝ Բարաք Օբամայի անատամ արտաքին քաղաքականության պատճառով, փոխանցում է The Wall Street Journal-ը:

Հոդվածի հեղինակ Ուիլյամ Գէլթսոնը հիշեցնում է Օբամայի հետ տեղի ունեցած միջադեպը՝ Չինաստանի օդանավակայանում: Նրա խոսքով, չինական իշխանությունները Օբամային և նրա օգնականներին վերաբերվել են անհարգալից:

Չոր
07
Sep

Le Monde. G20-ի գագաթնաժողովը դարձավ Պուտինի հաղթական վերադարձը միջազգային ասպարեզ

Չինաստանում անցկացված G20 գագաթաժողովը դարձավ Ռուսաստանի եւ Թուրքիայի նախագահներ Վլադիմիր Պուտինի եւ Ռեջեփ Թայիփ Էրդողանի հաղթական վերադարձը միջազգային ասպարեզ, գրում է ֆրանսիական Le Monde թերթը:

Նշվում է, որ եթե G20-ի նախորդ երկու գագաթնաժողովներում Վլադիմիր Պուտինը հայտնվել էր մեկուսացման մեջ Ուկրաինայում տեղի ունեցած իրադարձությունների պատճառով, ապա չինական Հանչժոույում նա անփոխարինելի զրուցակից էր:

Չոր
07
Sep

Վրաստանի խորհրդարանի նախագահը կողմ է երկրում ԱՄՆ ռազմաբազայի տեղակայմանը

Վրաստանի խորհրդարանի նախագահ, Հանրապետական կուսակցության անդամ Դավիդ Ուսուպաշվիլին հանդես է գալիս երկրի տարածքում ամերիկյան ռազմաբազայի տեղակայման օգտին: Գործչի խոսքով՝ դա կենսական նշանակություն ունի երկրի համար:

«Մինչ Վրաստանի անդամակցությունը ՆԱՏՕ-ին կդառնա իրողություն, Վրաստանը պետք է հոգ տանի իր տարածքում ամերիկյան կամ ՆԱՏՕ անդամ այլ պետություների ռազմաբազայի տեղակայման մասին: Դա կենսական նշանակություն ունի երկրի անվտանգության ու պաշտպանության համար»,- «Грузия-Онлайн» հաղորդմամբ հայտարարել է Ուսուպաշվիլին:

Չոր
07
Sep

Լեռնային Ղարաբաղում զինծառայող է զոհվել

Սեպտեմբերի 6-ի լույս 7-ի գիշերը ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է շուրջ 30 անգամ, որի ընթացքում, տարբեր տրամաչափի հրաձգային զինատեսակներից, հայ դիրքապահների ուղղությամբ արձակվել է ավելի քան 370 կրակոց: