Ռուսաստանի Դաշնության արտգործնախարար Սերգեյ Լավրովը Սլովակիայում հրատարակվող Pravda պարբերականին տված հարցազրույցում հայտարարել է, որ Ռուսաստանը երբեք չի միջամտում օտար երկրների ներքին գործերին և որ այդ մասին որևէ մեկի մոտ կասկածներ չպետք է մնան։ «Ուզում եմ միանգամից ասել․ մենք երբեք չենք խառնվում այլ երկրների ներքին գործերին։ Դա մեր մեթոդը չէ», - ասել է Լավրովը՝ պնդելով, որ հենց դրանով է Ռուսաստանը տարբերվում այլ երկրներից։ Նախարարն ակնարկել է, որ Ռուսաստանին նման գործողություններում մեղադրողներն իրենք պետք է հիշեն «արաբական գարնան» իրադարձություններին արտաքին միջամտության, ինչպես նաև Ուկրաինայում հեղաշրջման հրահրման մասին։
