ՀԱՊԿ Մշտական խորհրդի արտահերթ նիստն անորոշ ժամանակով հետաձգվել է: Այս մասին VERELQ-ին հայտնեց Հավաքական անվտանգության պայմանագրի կազմակերպության խոսնակ Վլադիմիր Զայնետդինովը։ Նա տեղեկացրեց, որ նիստը հետաձգվել է կողմերի միջև խորհրդակցություններ անցկացնելու պատճառով, որպեսզի հստակեցվի, թե ինչ ձևաչափով է կայանալու այդ քննարկումը: Ավելի վաղ VERELQ-ը տեղեկացրել էր, որ հայ-ադրբեջանական սահմանին իրավիճակի սրման պատճառով, որը պայմանավորված է հուլիսի 12-ին Տավուշի ուղղությամբ ռազմական բախումներով, ՀԱՊԿ գլխավոր քարտուղար Ստանիսլավ Զասը նախաձեռնել էր հուլիսի 13-ին անցկացնել ՀԱՊԿ Մշտական խորհրդի արտահերթ նիստ:
