ՀՀ Զինված ուժերը համալրելու խնդիր չկա. Կամո Քոչունց

ՀՀ Զինված ուժերը համալրելու խնդիր չկա: Այս մասին լրագրողների հետ հանդիպմանն ասել է ԶՈւ ԳՇ Կազմզորահավաքային վարչության պետ, գեներալ-մայոր Կամո Քոչունցը:

Aysor.am-ի հաղորդմամբ, նա ընդգծել է, որ ԶՈւ համալրումը խառը սկզբունքով իրեն արդարացնում է:

«Մենք համալրման խնդիրներ որպես այդպիսին չունենք և իրեն արդարացնում է խառը սկզբունքով Զինված ուժերի համալրումը՝ պարտադիր ժամկետային և պայմանագրային ծառայությամբ», - ասաց Կամո Քոչունցը

Որպես օրինակ նա բերեց ՀՀ պետական սահմանի պահպանությունը, որը հիմնականում իրականացվում է պայմանագրայինների միջոցով:

«Նրանք հիմնականում հարակից գյուղերից են և սա բավկանին արդյունավետ է», - ասաց Կամո Քոչունցը:

Հիշեցնենք, օրերս հայտնի դարձավ, որ Ոստիկանության ներքին զորքերի` սահմանում ծառայություն իրականացնելու վերաբերյալ քննարկումները եզրափակիչ փուլում են: Մասսնավորապես, ՀՀ ԳՇ պետ Արտակ Դավթյանը հայտարարել էր, որ ներքին զորքերը պատրաստված են և եթե կառավարության կողմից վերջնական որոշում լինի, կանցնեն նաև մարտական հերթապահություն իրականացնելու համար լրացուցիչ կուրսեր:

Ադրբեջանն այս լուրին արձագանքեց իրեն բնորոշ ոճով՝ անվանելով նման որոշումը արկածախնրդություն: