Իսպանիան Կատալոնիայի իշխանությունից պահանջում է բացատրել՝ անկախություն հռչակել են, թե ոչ

Իսպանիայի կառավարությունը Կատալոնիայի իշխանություններից պահանջում է բացատրել, թե արդյոք նրանք անկախություն հռչակել են, թե ոչ։

Այսպիսով՝ վարչապետ Մարիանո Ռախոյը զգուշացնում է, որ կարող է գործի դնել Սահմանադրության 155-րդ հոդվածը, որը նախատեսում է կասեցնել ինքնավար շրջանի ինքնակառավարման գործընթացը։ Այս մասին ասել է Իսպանիայի վարչապետ Մարիանո Ռախոյը, փոխանցում է «ՌԻԱ Նովոստի»–ն։

«Կառավարությունը Կատալոնիայից պահանջում է բացատրել, թե հռչակել են արդյոք նրանք անկախություն»,– ասել է վարչապետը։

Նրա խոսքով՝ այդ պահանջն անհրաժեշտ է Սահմանադրության 155-րդ հոդվածը գործի դնելու համար։ «Դրանով մենք ուզում ենք, որ մեր քաղաքացիները վստահ լինեն»,– ասել է նա։