ԼՂ բաժինն ԱԳՆ կայքից չի հեռացվել, բովանդակությունն արտացոլված կլինի պատշաճ ժամկետներում

Լեռնային Ղարաբաղի հակամարտության վերաբերյալ բաժինն ԱԳՆ կայքէջից չի հեռացվել, իսկ բովանդակությունն արտացոլված կլինի պատշաճ ժամկետներում: Այս մասին VERELQ-ի հետ զրույցում ասաց ՀՀ ԱԳՆ խոսնակ Անի Բադալյանը:

"Հորդորում ենք տեղեկատվական դաշտում զերծ մնալ թեմայի անհարկի շահարկումներից",-  հայտնեց նա:

Հիշեցնենք, նախօրեին քաղաքագետ Սերգեյ Մելքոնյանն ահազանգել էր, որ ԱԳՆ պաշտոնական կայքից հեռացվել է Լեռնային Ղարաբաղի հակամարտության վերաբերյալ բաժինը և այժմ այն հասանելի չէ ոչ մի լեզվով: 

Մի քանի օր առաջ Ադրբեջանը հայտարարել էր, որ բացի Անկախության հռչակագրից, Բաքվին անհանգստացնում է նաև ԱԳՆ տվյալ բաժինը: