Լարված իրավիճակ Շիրակի մարզում․ գերիների հարազատները փակել են Բավրա-Գյումրի ճանապարհը

Այս պահին, լարված իրավիճակ է ստեղծվել Շիրակի մարզում։ Ինչպես հայտնում է ֆոտոլրագրող Գագիկ Շամշյանը, Շիրակի մարզում բնակվող գերիների հարազատները, ի նշան բողոքի՝ փակել են Բավայից դեպի Գյումրի եկող ճանապարհը։

Երթևեկությունը դարձել է անանցանելի։ Ժամանել են ՀՀ ներքին գործերի նախարարության Ոստիկանության Շիրակի մարզային վարչության օպերատիվ խումբը՝ վարչության պետ Արամ Ղազարյանի և Շիրակի մարզի տարածքային բոլոր բաժինների պետերի գլխավորությամբ։ 

Տեղում են նաև ՀՀ ՆԳՆ Ոստիկանության Պարեկային Ծառայության Շիրակի մարզի գումարտակի պարեկները՝ գումարտակի հրամանատար Կարեն Կյուրեղյանի, գումարտակի ծառայության ավագ տեսուչ Աղասի Խաչատրյանի գլխավորությամբ։

Բողոքի ակցիայի մասնակիցները պահանջում են գերի ընկած իրենց հարազատների վերադարձը։