Իրանի Իսլամական Հանրապետությունում տեղի ունեցող զանգվածային հուզումներն անդրադարձել են նաև տեղի հայ համայնքի վրա։ NEWS.am լրատվական գործակալության աղբյուրների փոխանցմամբ՝ Թեհրանի հայաշատ Մաջիդիե թաղամասում ծավալված իրադարձությունների ժամանակ մահացել է ազգությամբ հայ Էջմին Մասիհին։ Դեպքի կոնկրետ մանրամասները և մահվան հանգամանքները ներկա պահին դեռևս ճշգրտված չեն։ Զուգահեռաբար շրջանառվում են նախնական, սակայն պաշտոնապես չհաստատված տվյալներ այն մասին, որ անկարգությունների հետևանքով կան նաև երեք հայ վիրավորներ, ինչը ներկայումս ճշտվում է։
