Իրանի նավթի նախարար Ջավադ Օուջին եւ Հայաստանի վարչապետի խորհրդական Արտաշես Թումանյանը քննարկել են երկարաժամկետ համագործակցության զարգացումն էներգետիկայի ոլորտում, հայտնում է Mehr News Agency-ը։ 2009 թվականի մայիսի 15-ից Հայաստանն Իրանից գազ է ստանում Իրան-Հայաստան գազատարով։ «Գազ էլեկտրաէներգիայի դիմաց» ծրագրի շրջանակներում իրանական գազը Հայաստանի տարածքում էլեկտրաէներգիայի է վերամշակվում, որը նախատեսված է Իրան արտահանման համար՝ 1 խմ բնական գազի դիմաց 3 կՎտ/ժ հաշվարկով։
