Վրաստանի խորհրդարանի պատվիրակութունը, նախագահ Շալվա Պապուաշվիլիի գլխավորությամբ, մեկնարկում է պաշտոնական այցը Հայաստան։ Վրաստանի օրենսդիր մարմնի ղեկավարը հանդիպումներ կունենա Հայաստանի Ազգային ժողովի նախագահ Ալեն Սիմոնյանի, ՀՀ նախագահ Վահագն Խաչատուրյանի, ինչպես նաև վարչապետ Նիկոլ Փաշինյանի և ԱԳ նախարար Արարատ Միրզոյանի հետ։ Քննարկվող հարցերի օրակարգում է երկու երկրների հարաբերությունների խորացումը, Հայաստանի հետ միջխորհրդարանական հարաբերությունների խորացումը, տարածաշրջանային հարցեր։ Պապուաշվիլիի գլխավորած խորհրդարանական պատվիրակության այցը Հայաստան կտեւի երկու օր։ Նշենք, որ սա Պապուաշվիլիի առաջին պաշտոնական այցն է Հայաստան Վրաստանի խորհրդարանի խոսնակի պաշտոնում։ Պապուաշվիլին օրենսդիր մարմնի նախագահի պաշտոնը ստանձնել է 2021 թվականի դեկտեմբերի վերջին։
