ԱԺ պատգամավորը հայտարարել է, որ իր դեմ ներկայացված քրեական գործը քաղաքական հաշվեհարդարի հետևանք է։ «Ինձ գործից տարանջատելը ճնշման միջոց է․ այդ դեպքում ես զրկվում եմ պաշտպանվելու հնարավորությունից», — նշել է Աղազարյանը՝ անդրադառնալով Աննա Վարդապետյանի ներկայացրած միջնորդագրին։ Նրա խոսքով՝ երկու դրվագներից կազմված գործը վերաբերում է «ոչխարների արտահանմանն» ու «23 հազար դոլարի ենթադրյալ կաշառքին»։ «Խաղաղության պայմանագրի շուրջ ես արտահայտել եմ այլ կարծիքներ։ Վարչապետը երևի համարել է, որ ես խանգարում եմ, ու որոշել է ինձ մեկուսացնել քաղաքականությունից։ Եթե այս ամենը օգտակար է լինելու պետությանը, թող այդ գինը ես վճարեմ», — նշել է նա։
