Հոկտեմբերի 25-ին ժամը 00:40-ին վերականգնվել է «Հարավկովկասյան երկաթուղի» ՓԲԸ բոլոր գնացքների՝ այդ թվում ներհանրապետական էլեկտրագնացքների, երթևեկությունը: Այս մասին հայտնում են ընկերության լրատվական ծառայությունից: «Հարավկովկասյան երկաթուղի» ՓԲԸ-ն հայցում է քաղաքացիների ներողամտությունը պատճառված անհանգստության և կանխավ շնորհակալություն հայտնում ըմբռնման համար: Հիշեցնենք, ընկերության աշխատակիցների գործադուլի ֆոնին որոշում է կայացվել բարձրացնել նրանց աշխատավարձերը:
