16 մեդալ ու 7 չեմպիոնական տիտղոս, բազկամարտի Հայաստանի հավաքականը հաստատում է իր բարձր կարգը՝ Եվրոպայի առաջնությունից հայրենիք վերադառնալով մարզական հարուստ ավարով: Չեմպիոններին դիմավորել է «Ոչ օլիմպիական մարզաձևերի միության» համահիմնադիր Հովհաննես Ծառուկյանը, շնորհավորելով մրցանակակիրներին։ «Շատ դժվար է, քրտնաջան աշխատանքի արդյունք է, ես նկատում եմ՝ գնալով զարգացումներ ենք ապահովում, դա հպարտանալու առիթ է»,- նշել է Ծառուկյանը։ Նշենք, որ Եվրոպայի առաջնությունում առաջին ոսկին վաստակել է Արման Մարտոյանը, ով գեղեցիկ հաղթանակ է տարել թուրք մարզիկի նկատմամբ: Որոշակի դադարից հետո Հայաստանը չեմպիոն ունի նաև աղջիկների պայքարում՝ մինչև 23 տարեկանների առաջնությունում չեմպիոն է ճանաչվել Մարիամ Սարգսյանը: Նա ևս հաղթել է թուրք մարզիկի:
