Դեկտեմբերի 12-ին ՀՀ Ազգային ժողովը կգումարի արտահերթ նստաշրջան: Համապատասխան օրենքի նախագիծը ներառված է կառավարության այսօրվա նիստում:Կառավարությունն առաջարկում է արտահերթ նստաշրջանում քննարկել մի շարք հարցեր, այդ թվում` «Հայաստանի Հանրապետության կառավարության և Ռուսաստանի Դաշնության կառավարության միջև՝ Հայաստանի Հանրապետության կառավարությանը պետական արտահանման վարկ տրամադրելու մասին» համաձայնագիրը վավերացնելու մասին նախագիծը: Բացի այդ, ԱԺ կքննարկի «Եվրասիական տնտեսական միության մաքսային օրենսգրքի մասին» պայմանագիրը վավերացնելու մասին», «Ընտանիքում բռնության կանխարգելման, ընտանիքում բռնության ենթարկված անձանց պաշտպանության և ընտանիքում համերաշխության վերականգնման մասին» ու մի շարք այլ նախագծեր, այդ թվում նաև՝ «Պետական պարտքի մասին» Հայաստանի Հանրապետության օրենքում փոփոխություններ կատարելու մասին» օրենքի նախագիծը:
