«Ռոսիա 24» հեռուստաալիքը եթեր է հեռարձակել հատուկ ռեպորտաժ Հայաստանի մասին՝ ներկայացնելով տնտեսական հնարավորությունները: Հեռուստաալիքի թղթակից Անտոն Բորիսովը հայտնաբերել է, թե ինչպես լավաշը կարող է օգնել քաղցկեղի դեմ պայքարում, ինչու է պարտադիր պանիրը հողի տակ պահել և ինչպես կարող է քյուֆթայի պատրաստումը սոցիալական ծրագիր դառնալ: Հայաստանյան մանր բիզնեսը ռեպորտաժում ներկայացված է որպես տնտեսության հիմնական շարժիչ ամենատարբեր ոլորտներում՝ հյուրանոցային բիզնեսից մինչև բարձրտեխնոլոգիական ստարթափեր, գինու և պանրի արտադրություն: Ռեպորտաժում նաև նշվում է, որ Հայաստանում տնտեսության զարգացման կարևոր գործոն է դառնում զբոսաշրջությունը՝ 2017-ին Հայաստան է այցելել 1 միլիոն արտասահմանցի, և այս թվում զգալի է ռուսաստանցիների համամասնությունը:
