Տավուշի մարզի սահմանամերձ Բաղանիս գյուղի ուղղությամբ մայիսի 31-ի երեկոյան հակառակորդը կրակ է բացել: Այս մասին NEWS.am-ին հայտնել է ՀՀ պաշտպանության նախարարի խոսնակ Արծրուն Հովհաննիսյանը: Նրա խոսքով, հակառակորդի կրակոցների հետեւանքով գյուղը վնասներ չի կրել: Աղբյուրը, սակայն, տեղեկացնում է, որ Բաղանիսի գյուղապետ Նարեկ Սահակյանի խոսքով հակառակորդի գնդակոծության հետեւանքով վնասվել է Բաղանիսի 2 տուն՝ մեկի տանիքը, մյուսի՝ ջրհորդանը: