Արցախում դեռ գազամատակարարումը չի վերականգնվել: VERELQ-ի հետ զրույցում Արցախի նախագահի խոսնակ Լուսինե Ավանեսյանը նշեց, որ բանակցությունները շարունակվում են. "Ռուսական խաղաղապահ զորակազմի հրամանատարությունը բանակցություններ է վարում ադրբեջանական կողմի հետ",- ասաց նա: Հիշեցնենք, նախօրեին երեկոյան Արցախի տեղեկատվական շտաբից հայտնեցին, որ ադրբեջանական կողմի ուղիղ միջամտության հետևանքով Արցախի Հանրապետությունում կրկին դադարեցվել է գազամատակարարումը։ "Ունենք բավարար հիմքեր պնդելու, որ մարտի 8-ին պայթեցված գազատարի վերանորոգման աշխատանքների ընթացքում ադրբեջանական կողմը տեղադրել է փական, որի միջոցով էլ ժամեր առաջ դադարեցրել է գազամատակարարումը",- ասված է հաղորդագրության մեջ։
