Հայաստան միջազգային բրենդների ներգրավումը մնում է կառավարության առաջնային խնդիրներից մեկը, իսկ զբոսաշրջության զարգացումը՝ տնտեսության գերակա ուղղություններից մեկը: «Մեր նպատակն է մինչև 2030-2031 թվականները Հայաստան այցելող զբոսաշրջիկների թիվը հասցնել 3 միլիոնի և ավելի», — հայտարարել է Հայաստանի Հանրապետության էկոնոմիկայի նախարար Գևորգ Պապոյանը հոկտեմբերի 1-ին «Զվարթնոց» օդանավակայանում Wizz Air ավիաընկերության բազայի բացման արարողության ժամանակ: Նախարարի խոսքով՝ այդ նպատակին հասնելու համար անհրաժեշտ է ապահովել ճանապարհորդությունների մատչելիություն և հարմարավետություն: «Մենք ձգտում ենք աշխարհը մոտեցնել Հայաստանին, իսկ մեր քաղաքացիներին՝ աշխարհին: Զբոսաշրջիկները պետք է կարողանան հասնել մեզ արագ, էժան և հարմարավետ», — ընդգծել է Պապոյանը:
