Փետրվարի 7-8-ը պաշտոնական այցով Հայաստան կժամանի Խորվաթիայի արտաքին գործերի նախարար Գորդան Գրլիչ Ռադմանը։ Ինչպես տեղեկացրին ՀՀ ԱԳՆ մամուլի ծառայությունից, փետրվարի 8-ին Հայաստանի ԱԳՆ-ում տեղի կունենա Հայաստանի և Խորվաթիայի ԱԳ նախարարների հանդիպումը, որին կհաջորդի ԱԳ նախարարների մամուլի ասուլիսը։ Այցի ընթացքում Խորվաթիայի արտաքին գործերի նախարարը կհանդիպի նաև Նախագահի, վարչապետի, Հայաստանի Ազգային ժողովի նախագահի, Ամենայն Հայոց Կաթողիկոսի և պաշտոնատար այլ անձանց հետ։