Activities calendar

11 November 2016

Ուրբ
11
Nov

Հայաստանն ու Ուկրաինան պարբերական խորհրդակցություններ կանցկացնեն զգայուն հարցերի շուրջ

Фото: tert.am

Նախագահ Սերժ Սարգսյանն այսօր ուկրաինական կողմի նախաձեռնությամբ հեռախոսազրույց է ունեցել Ուկրաինայի Նախագահ Պյոտր Պորոշենկոյի հետ:

Հեռախոսազրույցի ընթացքում նախագահներն անդրադարձել են հայ-ուկրաինական երկկողմ օրակարգին վերաբերող հարցերին, մասնավորապես, քաղաքական երկխոսության ակտիվացմանը, տնտեսական, գիտատեխնիկական և հումանիտար ոլորտներում համատեղ փոխշահավետ նախագծերի իրականացմանը:

Ուրբ
11
Nov

ԼՂՀ ՊՆ. Այս պահի դրությամբ իրավիճակն առաջնագծում համեմատաբար հանգիստ է

Նոյեմբերի 11-ի ժամը 12:15-ի սահմաններում ղարաբաղա-ադրբեջանական հակամարտ զորքերի շփման գծի հյուսիսարևելյան (Յարըմջա) և հյուսիսային (Թալիշ) ուղղություններով հակառակորդի կողմից ձեռնարկված ականանետային հարվածները որոշակի ընդմիջումներով շարունակվել են մինչև 15:30-ը: Այդ ընթացքում ադրբեջանական զինուժի կողմից հայ դիրքապահների ուղղությամբ արձակվել է 37 արկ, որից 13-ը 60 միլիմետրանոց, իսկ 24-ը՝ 82 միլիմետրանոց ականանետերից:

Ուրբ
11
Nov

Անկարան ու Մինսկը սերտացնում են համագործակցությունը

Թուրքիային ու Բելառուսին կարճ ժամանակահատվածում կհաջողվի ապրանքաշրջանառությունը հասցնել մեկ միլիարդ դոլարի։ Այդ մասին Բելառուսի նախագահ Ալեքսանդր Լուկաշենկոյի հետ հանդիպմանը հայտարարել է Թուրքիայի նախագահ Ռեջեփ Թայիթ Էրդողանը, փոխանցում է БЕЛТА–ն։

Նա նշել է, որ թուրքական ներդրումները Բելառուսում զգալի թիվ են կազմում։ Ըստ Էրդողանի, իր հետ Մինսկ են ժամանել նաև մոտ 200 թուրք գործարարներ, որոնք կմասնակցեն թուրք–բելառուսական բիզնես–ֆորումին։

Ուրբ
11
Nov

ՀՀԿ-ական. Պաշտոնյաներից 1000 դրամից ավելի պետք է գանձվի

Նախօրեին Կառավարությունը հավանության արժանացրեց օրենքների մի փաթեթ, որի ընդունման արդյունքում կներդրվի զինծառայողների կյանքին կամ առողջությանը պատճառված վնասների հատուցման` հասարակության վստահությունը վայելող, պարզ, թափանցիկ և արդյունավետ համակարգ: Հիմնադրամի կողմից հատուցումներ վճարելու համար անհրաժեշտ դրամական միջոցները կձևավորվեն այդ թվում և յուրաքանչյուր աշխատող քաղաքացու կողմից ամսական 1000 դրամ գումարի չափով վճարից:

Ուրբ
11
Nov

Ադրբեջանի միջազգային բանկը 200 մլն դոլարի վարկ է ներգրավել

Ադրբեջանի միջազգային բանկը ավարտել է ավելի քան 200 միլիոն դոլարի վարկի ներգրավման գործընթացը։ Գործարքի կազմակերպիչներ են հանդես եկել Citibank-ը, Credit Suisse A.G. London Branch-ը (Credit Suisse), Emirates NBD Capital Limited-ը (ENBD) և J.P. Morgan-ը։

Citibank Europe plc-ն հանդես է եկել որպես համակարգող, իսկ J.P. Morgan-ը՝ թողարկման գործակալ։ Համաձայնագրին միացել է 12 ֆինանսական կազմակերպություն, հայտնում է haqqin.az-ը։

Ուրբ
11
Nov

Թուրքիայի իշխանությունները ձերբակալել են ընդդիմադիր Cumhuriyet-ի խորհրդի նախագահին

Թուրքիայի իշխանությունները ձերբակալել են ընդդիմադիր Cumhuriyet թերթի խորհրդի ղեկավար Աքին Ալթային:

Այս մասին գրում է AFP-ն՝ հիշեցնելով, որ անցյալ շաբաթ ձերբակալվել էր պարբերականի 9 աշխատակից, այդ թվում՝ գլխավոր խմբագիրը: Աքին Ալթային ձերբակալել են Ստամբուլի օդանավակայանում, Գերմանիայից վերադառնալուց հետո: Ոստիկանական մեքենան նրան սպասել է թռիչքուղում:

Ուրբ
11
Nov

ԵԱՀԿ–ում ՌԴ դեսպան. Վիեննայի ու Պետերբուրգի համաձայնությունները պետք է ամբողջությամբ կյանքի կոչվեն

Ղարաբաղյան հակամարտության գոտում ապրիլյան իրադարձությունները ցուցադրեցի ԵԱՀԿ Մինսկի խմբի համանախագահ եռյակի միջնորդական առաքելության կարևորությունը։

Այդ մասին АПА–ի փոխանցմամբ, հայտարարել է ԵԱՀԿ–ում ՌԴ–ի մշտական ներկայացուցիչ Ալեքսանդր Լուկաշևիչը։

«Մենք կոչ ենք անում պահպանել այն համաձայնությունները, որոնք ձեռք են բերվել Ադրբեջանի ու ՀՀ նախագահների միջև Վիեննայում ու Սանկտ–Պետերբուրգում։Մենք Ֆրանսիայի ու ԱՄՆ–ի հետ միասին կշարունակենք աջակցություն ցուցաբերել ղարաբաղյան հակամարտության շուրջ կոնսենսուսի ձեռք բերման համար», –նշել է նա։

Ուրբ
11
Nov

Վարչապետ. Եվրոպական մշակույթի ներդրումը կարևոր է բիզնեսի կառավարման, կոռուպցիայի դեմ պայքարի գործընթացում

Վարչապետ Կարեն Կարապետյանն ընդունել է ՀՀ-ում հավատարմագրված Եվրոպական միության անդամ պետությունների դեսպաններին՝ ՀՀ-ում ԵՄ պատվիրակության ղեկավար, դեսպան Պյոտր Սվիտալսկիի գլխավորությամբ:

Ուրբ
11
Nov

Պեսկով. Պուտինի ու Թրամփի մոտեցումները շատ հարցերում նման են

ՌԴ նախագահ Վլադիմիր Պուտինի և ԱՄՆ նոր ընտրված նախագահ Դոնալդ Թրամփի մոտեցումներն արտաքին քաղաքականությանը անչափ նման են։ Այս մասին հայտարարել է ՌԴ նախագահի խոսնակ Դմիտրի Պեսկովը` նշելով, որ Թրամփը նախագահ ընտրվելուց հետո ասել է, որ իր համար կարևորը Ամերիկան և Ամերիկայի շահերն են, սակայն իր թիմը պատրաստ է զարգացնել հարաբերությունները ցանկացած պետության հետ այնքան, որքան այս կամ այն պետությունը դա կցանկանա։

Ուրբ
11
Nov

ՌԴ ԱԳՆ. ԵԱՏՄ–ն պատրաստ է ԵՄ հետ երկխոսության` միասնական տնտեսական տարածքի շուրջ

ԵԱՏՄ–ը պատրաստ է ԵՄ–ի հետ առարկայական բանակցությունների Լիսաբոնից մինչև Վլադիվոստոկ միասնական տնտեսական տարածքի ստեղծման ուղղությամբ։ Այդ մասին հայտարարել է ՌԴ ԱԳ փոխնախարար Վասիլի Նեբենզյան։

Նա նշել է, որ զգալի ներուժ ունի ԵԱՏՄ–ի ու ԵՄ–ի միջև ինտեգրացիոն գործընթացնը։ Ըստ նրա, իրենք վաղուց կոչ են անում աշխատանքներ սկսել Լիսաբոնից մինչև Վլադիվոստոկ միասնական տնտեսական շուկայի ձևավորման ուղղությամբ։ Այդ գաղափարը ժամանակին առաջ էր քաշվել ՌԴ–ի ու Բելառուսի նախագահների կողմից, փոխանցում է РИА Новости–ին։

Ուրբ
11
Nov

ՄԱԿ-ի Մարդու իրավունքների կոմիտեն փաստել է Ադրբեջանում հայերի նկատմամբ խտրականության դրսեւորումները

ՄԱԿ-ի Մարդու իրավունքների կոմիտեն մտահոգություն է հայտնել Ադրբեջանում հայ փոքրամասնության նկատմամբ ոտնձգությունների եւ խտրականության դրսեւորումների վերաբերյալ: Այս մասին ասված է ՄԱԿ-ի Մարդու իրավունքների կոմիտեի Ադրբեջանի վերաբերյալ չորրորդ պարբերական զեկույցի եզրափակիչ դիտարկման մեջ:

Ուրբ
11
Nov

Թուրքիան հարվածային անօդաչու է ստեղծել

Թուրքական բանակում հայտնվել է առաջին հարվածային անօդաչու թռչող սարքը` Bayraktar TB2–ը։ Թուրքիան դարձել է աշխարհում 6-րդ երկիրը, ով ունի հարվածային անօդաչուներ, փոխանցում է Aviation Week–ը։

Թուրքիան այդ անօդաչուն ստեղծելու համար ծախսել է տաս տարի։ Նոր անօդաչուն ունի 6,5 մետր երկարություն։ Այն զինված է MAM-L տիպի հրթիռներով, որոնք մշակվել են Roketsan ընկերության կողմից։

Անօդաչուի վրա կարելի է տեղակայել 22 կգ–ոց երկու հրթիռներ։Հրթիռներն ունեն լազերային թիրախավորման համակարգով, իսկ անօդաչուի գործելու շառավիղը կազմում է 150 կմ։

Ուրբ
11
Nov

ԼՂՀ ՊՆ. Ադրբեջանական զինուժը արկակոծում է Թալիշի և Յարըմջայի ուղղությամբ մարտական դիրքերը

Ինչպես անցած գիշերվա ընթացքում, այնպես էլ այսօր առավոտվանից շփման գծի որոշ հատվածներում ադրբեջանական զինուժը շարունակում է իրականացնել սադրիչ գործողություններ:

ԼՂՀ ՊՆ-ից հայտնում են, որ մասնավորապես` ժամը 12:15-ից սկսած, հակառակորդը 60 և 82 միլիմետրանոց ականանետերից արկակոծում է առաջնագծի հյուսիսարևելյան (Թալիշ և Յարըմջա) ուղղությամբ տեղակայված պաշտպանության բանակի մարտական դիրքերը: Հատկապես ինտենսիվ արկակոծության են ենթարկվում Յարըմջա գյուղի ուղղությամբ տեղակայված մարտական հենակետերը:

Ուրբ
11
Nov

ՄԱԿ. Մերձավորարևելյան երկրներն «Արաբական գարնան» պատճառով 614 մլրդ դոլարի վնաս են կրել

Մերձավորարևելյան երկրների տնտեսական աճն «Արաբական գարնան» պատճառով 2011թ. մինչև 2015թ. 614 մլրդ դոլարի վնաս է կրել, ինչի մասին հայտնում է BBC-ն` հիմնվելով ՄԱԿ-ի ներկայացրած նոր հաշվետվության վրա:

Աղբյուրը մանրամասնում է, որ 614 մլրդ դոլարը 2011-2015թթ. ընթացքում մերձարևելյան տարածաշրջանի ՀՆԱ-ի 6%-ն է: Այս մասին ասվում է ՄԱԿ-ի Արևմտյան Ասիայի համար տնտեսական և սոցիալական հարցերով հանձնաժողովի կազմած հաշվետվությունում:

Նշվում է, որ հաշվարկի իրականացման համար օգտագործվել են մինչ 2011թ. արաբական երկրների համար տնտեսական աճի վերաբերյալ արված կանխատեսումները:

Ուրբ
11
Nov

Մամուլի տեսություն. Հայաստանը Թուրքիայից հումանիտար օգնություն է ստացել

VERELQ-ը ներկայացնում է հայաստանյան մամուլի այսօրվա ամենաուշագրավ հրապարակումները:

Ուրբ
11
Nov

ԱՄԷ ներդրումային հիմնադրամների հետ հարաբերություններն ակտիվացնելու պայմանավորվածություն է ձեռք բերվել

Պաշտոնական այցով Արաբական Միացյալ Էմիրություններում գտնվող ՀՀ Նախագահ Սերժ Սարգսյանը հանդիպում է ունեցել Շարժայի կառավարիչ շեյխ, դոկտոր Սուլթան բին Մուհամմադ ալ Քասիմիի հետ: ՀՀ Նախագահը բարձր է գնահատել Շարժայի կառավարիչ շեյխի անձնական մեծ ներդրումը մի շարք ոլորտներում հայ-էմիրաթական հարաբերություններն ու փոխգործակցությունը խորացնելու գործում:

Ուրբ
11
Nov

Foreign Policy․ Ինչո՞ւ Թրամփի նախագահությունը կարող է այդքան էլ սարսափելի չլինել

Дональд Трамп

«1977-ին, երբ Բրիտանիային հասավ նորությունն այն մասին, որ Սարասոտեի մոտ իր ուժերը ջախջախվել են ամերիկյան խռովարարների կողմից, Ադամ Սմիթի ընկերը բացականչեց՝ Ազգը կործանված է»։ Իմաստուն փիլիսոփան անխռով պատասխանել էր նրան «Ազգի ներսում կա կործանման զգալի ներուժ»։ Այս ենթադրությունը փորձության կենթարկվի ԱՄՆ նորընտիր նախագահ Դոնալդ Թրամփի կողմից»,- գրում է ԱՄՆ Արտաքին հարաբերությունների խորհրդի (Council on Foreign Relations) ավագ գիտաշխատող Մաքս Բութը Foreign Policy–ում։

Ուրբ
11
Nov

Ադրբեջանը մտադիր է Թուրքիայում ներդրումների ծավալը հասցնել մինչև 20 միլիարդ դոլարի

Ադրբեջանի էկոնոմիկայի նախարար Շահին Մուսթաֆաևն ընդունել է Ադրբեջանում Թուրքիայի դեսպան Էրքան Օզորալին և ընդգծել է, որ թուրք-ադրբեջանական հարաբերությունները գտնվում են ռազմավարական մակարդակի վրա։

Մուսթաֆաևի խոսքերով՝ երկու երկրները համատեղ նախագծեր են իրագործում էներգետիկ ու տրանսպորտային ոլորտներում. «Հաջորդ տարի շահագործման կհանձնվի «Բաքու-Թբիլիսի-Կարս» երկաթուղին։

Թուրքիան Ադրբեջանում ներդրել է մոտ 10.1 միլիարդ դոլար, որից 2.6 միլիարդ դոլարը բաժին է ընկել երկրի ոչ նավթային սեկտորին։ Ադրբեջանն էլ Թուրքիայի տնտեսությունում ներդրել է 7.9 միլիարդ դոլար։

Ուրբ
11
Nov

ԼՂՀ ՊՆ. Հայ դիրքապահների ուղղությամբ արձակվել է ավելի քան 1100 կրակոց

Նոյեմբերի 10-ի լույս 11-ի գիշերը ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է շուրջ 85 անգամ:

Այդ ընթացքում տարբեր տրամաչափի հրաձգային զինատեսակներից, հայ դիրքապահների ուղղությամբ արձակվել է ավելի քան 1100 կրակոց:

ԼՂՀ ՊՆ-ից հայտնում են, որ շփման գծի հյուսիսային (Վերին Չայլու) ուղղությամբ ադրբեջանական զինուժը կիրառել է ձեռքի հակատանկային նռնականետ (4 արկ) և 60 միլիմետրանոց ականանետ (1 արկ):