Հայաստանի կառավարությունը նոյեմբերի 7-ի նիստում որոշում է ընդունել 2025 թվականին առանձին տեսակի գյուղատնտեսական ապրանքների ներմուծման սակագնային քվոտաների կիրառման վերաբերյալ։ Որոշումը կապված է ԵԱՏՀ կոլեգիայի 2024թ. օգոստոսի 20-ի թիվ 99 որոշմամբ Հայաստանին հատկացված ներմուծման թույլատրելի ծավալների օգտագործման ապահովման անհրաժեշտության հետ։ ՀՀ էկոնոմիկայի նախարարությունը, որպես ԵԱՏՄ անդամակցության շրջանակներում ոչ սակագնային կարգավորման պատասխանատու մարմին, նշանակվել է առանձին տեսակի գյուղատնտեսական ապրանքների ներմուծման լիցենզիաների տրամադրման լիազոր մարմին։ Կապակցությամբ կմշակվի արտաքին տնտեսական գործունեության մասնակիցների միջև ներմուծման քվոտաների ծավալների բաշխման կարգը։
