Կառավարության մայիսի 8-ի որոշմամբ 2,4 մլրդ դրամ է փոխանցվում «Երևանի ՋԷԿ» ՓԲԸ-ին`ցածր սակագնի պայմաններում մասնակիորեն շահագործման ու պահպանման ծախսերի փոխհատուցման նպատակով: Արդյունքում, կառավարության գնհատականով, հնարավոր է զսպել «Հայաստանի էլեկտրական ցանցեր» ՓԲԸ-ի կողմից սպառողներին վաճառվող էլեկտրաէներգիայի սակագների բարձրացումը: Գումարը, համաձայն գործադիր իշխանության որոշման, փոխանցվում է «Բարձրավոլտ էլեկտրացանցեր» ՓԲԸ-ի էլեկտրական էներգիայի հաղորդման ծառայության մատուցման սակագների հաշվարկներում ներառված և փաստացի չծախսված՝ ՀՀ կառավարությունից և (կամ) ՀՀ կառավարության երաշխիքով ստացված արտոնյալ վարկերի մարման և սպասարկման գումարներից:
