Օգոստոսին նախատեսված է Իրանի նախագահի այցն Ադրբեջան

Օգոստոսին նախատեսվում է Իրանի նախագահ Հասան Ռոհանիի այցը Ադրբեջան: Այդ մասին АПА-ի փոխանցմամբ նշվել է Ադրբեջանի նախագահ Իլհամ Ալիևի և Իրանի նախագահ Հասան Ռոհանիի միջև կայացած հեռախոսազրույցի ընթացքում:

Ադրբեջանի նախագահը հույս է հայտնել, որ Իրանի նախագահի այցը կնպաստի երկկողմ հարաբերությունների հետագա զարգացմանը: Ադրբեջանի ու Իրանի նախագահները գոհունակություն են հայտնել երկկողմ հարաբերությունների մակարդակով, ինչպես նաև վստահություն են հայտնել որ կապերն ամրապնդվելու են:

Հիշեցնենք, որ ՀՀ ԱԳ նախարար Էդվարդ Նալբանդյանի Իրան կատարած այցի ընթացքում Ռոհանին հայտարարել էր, որ մտադրված է մոտակա ժամանակներս այցելել Հայաստան: