29.03.2024
Էլեկտրաէներգիան էժանացավ` թանկանալով
prev Նախորդ նորություն

Նորություններ գործընկերներից

Մելքումյան. Ադրբեջանը դրսևորում է հակամարդկային և ֆաշիստական քաղաքականություն

Ապրիլին Ադրբեջանի կողմից իրականացված գործողությունները Լեռնային Ղարաբաղի նկատմամբ ոչ այլ ինչ է, քան հակամարդկային և ֆաշիստական քաղաքականության դրսևորում: Այս մասին ԵԽԽՎ լիագումար նիստի շրջանակում իր ելույթում այսօր հայտարարել է ԵԽԽՎ հայկական պատվիրակության ադամ, ԲՀԿ-ական Միքայել Մելքումյանը:

Նա հիշեցրել է Վեհաժողովին, որ ապրիլի սկզբին Ադրբեջանի ղեկավարությունը պատերազմական գործողություններ սկսեց ԼՂՀ և Ադրբեջանի շփման գծի ողջ երկայնքով: Գործի դրվեցին կործանարար նշանակության բազմաթիվ սպառազինություններ և զենքի տեսակներ, տանկեր, անօդաչու սարքեր, հրթիռներ, ականանետներ, ՏՕԶ-1 և այլն:

«Երկուստեք եղան զոհեր, հայկական կողմից՝ 94 զոհ: Ադրբեջանի նախագահը դրանով, ըստ էության, փորձ արեց երկարաձգել իր կոռումպացված իշխանությունը՝ շեղելով սեփական ժողովրդի ուշադրությունը ներքին սոցիալ-տնտեսական խնդիրներից: Եղան հարձակումներ խաղաղ բնակչության վրա` Թալիշ, Մատաղիս, Մարտակերտ բնակավայրերում և այլ գյուղերում: Ազերիները հաշվեհարդար էին տեսնում արդեն իսկ մահացած մարդկանց հետ՝ կտրելով նրանց գլուխները, ականջները, մարմնի տարբեր մասերը, նույն կերպ էին վարվում և ողջ մարդկանց հետ»,- տեղեկացրեց հայ պատվիրակը:

Մելքումյանի խոսքով` սա ոչ այլ ինչ է, քան հակամարդկային և ֆաշիստական քաղաքականության իրականացում: Նշելով, որ ադրբեջանցիները ստացան արժանի հակահարված ԼՂՀ պաշտպանության ուժերի կողմից, պատգամավորը նկատեց, որ դա, սակայն, չի նշանակում, որ միջազգային հանրությունը և կազմակերպությունները չպետք է տան այդ ամենի իրավական և քաղաքական գնահատականը:

«Դա հստակ պետք է անել: Այն է՝ ով է առաջինը հարձակվել, ինչ է արել և ինչ զենքերով: Հարկավոր է նաև դադարեցնել զենքի վաճառքը Ադրբեջանին: Չէ՞ որ դրա հետևանքների համար դեռևս պետք է պատասխանատվություն կրել»,- նշեց նա:

Մելքումյանից կարծիքով, Ադրբեջանն իր այդ քայլով ոտնահարել է ԵԱՀԿ Մինսկի խմբի համանախագահների՝ կոնֆլիկտի խաղաղ կարգավորմանն ուղղված ջանքերը և խախտել է գործընթացի իրականացման տրամաբանությունը, ըստ էության, անտեսելով այն: Եվ դա նույնպես պետք է գնահատականի արժանանա: Հայ պատգամավորը շեշտեց` պետք է իրականացվի շփման գծի ողջ երկայնքով հրադադարի ռեժիմի խախտման դեպքերի հետաքննություն և արձանագրման գործընթացն ապահովող մեխանիզմների ներդրում, ինչը և փորձ էր արվում իրականացնել: Եվ ադրբերջանական ագրեսիան այդ գործընթացը խափանելու փորձ էր:

«Մի բան ակնհայտ է` կոնֆլիկտի խաղաղ կարգավորումն այլըտրանք չունի: Արցախի հանրապետությունը ժողովրդավարական և ազատ երկիր է՝ պետականության բոլոր ինստիտուտներով: Այստեղ ապրում է աշխատասեր, կրթություն և գիտություն հարգող, հյուրասեր ժողովուրդ: Արցախի նախագահը և մյուս ղեկավարները ոտքով շրջում են քաղաքներում և գյուղերում, դեմքով և անունով ճանաչում են գրեթե բոլորին: Արցախի ժողովուրդն այլևս չի հանդուրժի ոչ մի անմարդկային ոտնձգություն իր արժանապատվության հանդեպ: Այդպես է եղել անցյալում, այդպես է հիմա, ապրիլյան օրերին, և միշտ այդպես կլինի»,- եզրափակեց իր ելույթը Միքայել Մելքումյանը:

BREXIT-ի արդյունքներն ու Ղարաբաղը. Նախադեպ, թե՞ դարձյալ հայերին չվերաբերող իրավիճակ
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար