ԱՄՆ դեսպանատունը քննադատել է Ադրբեջանի ընտրությունները

Բաքվում ԱՄՆ-ի դեսպանատունը քննադատել է Ադրբեջանում կայացած խորհրդարանական ընտրությունները՝շեշտելով ընտրախախտումների բազմաթիվ դեպքեր:

Դեսպանատունը հայտարարություն է տարածել, որտեղ մեջբերում է ԵԱՀԿ դիտորդների բացասական գնահատականը: ԵԱՀԿ-ի դիտորդներն արձանագրել են, որ քվեարկությունը չի համապատասխանել ժողովրդավարության չափանիշներին:

«ԵԱՀԿ/ԺՀՄԻԳ զեկույցը ցույց տվեց, որ տեղի են ունեցել բազմաթիվ խախտումներ: Բաքուն պարտավոր է շուտափույթ հետաքննել դրանք և իրագործել միջազգային համայնքի կողմից նախկինում և այժմ տրված բոլոր հանձնարարականները», - նշված է դեսպանատան տարածած հայտարարության մեջ: