Ադրբեջանին անհանգստացրել է տեղեկությունը, թե ՀՀ-ն զենք կգնի Հնդկաստանից

Ադրբեջանն ուսումասիրում է հայկական ԶԼՄ-ներում տարածված այն տեղեկությունը, թե ՀՀ-ն զենք կգնի Հնդկաստանից: Այդ մասին հայտարարել է Ադրեջանի ԱԳՆ պաշտոնական ներկայացուցիչ Հիքմեթ Հաջիևը. հայտնում է Trend-ը:

Հաջիևը նշել է, որ Հնդկաստանում Ադրբեջանի դեսպանատանը հրահանգված է ուսումնասիրել տվյալ տեղեկությունը և անհրաժեշտության դեպքում հանդիպել հնդկական կողմի հետ այդ հարցը քննարկելու համար:

Հիշեցնենք, որ օրեր առաջ ՀՀ պաշտպանության նախարարի խոսնակ Արծրուն Հովհաննիսյանը պարզաբանել է համացանցում տեղ գտած տեղեկություններն այն մասին, որ Հայաստանը հետաքրքրվում է հնդկական հրթիռահրետանային Pinaka համակարգով: