Կիջեցվեն պետական դրոշները. Պուտինը սուգ է հայտարարել ամբողջ երկրում

ՌԴ նախագահ Վլադիմիր Պուտինը Կեմերվոոյի «Զիմնյայա վիշնյա» առևտրի կենտրոնում կիրակի տեղի ունեցած հրդեհի հետ կապված սուգ է հայտարարել ամբողջ երկրում:

Ինչպես հայտնում է РИА Новости-ն, մարտի 28-ին կիջեցվեն պետական դրոշները, մշակույթի հաստատություններում և հեռուստաալիքներով կարգելվեն ժամանցային միջոցառումները և հաղորդումները:

Մինչ այդ սուգ եռօրյա սուգ էր հայտարարված միայն Կեմերովոյի տարածաշրջանում:

Հիշեցնենք, որ Կեմերովոյում ողբերգական հրդեհի հետևանքով 64 մարդ է զոհվել, նրանցից 41-ը` երեխաներ: Պուտինն այժմ գտնվում է Կեմերովոյում: Նրա ղեկավարությամբ անցկացվել է խորհրդակացություն:

Երկրի նախագահը նաեւ հանդիպել է տեղի բնակիչների հետ ու խոստացել պատժել բոլոր մեղավորներին: