Սարգսյանը ցավակցական հեռագիր է հղել Ռուսաստանի Նախագահ Պուտինին

Սերժ Սարգսյանը ցավակցական հեռագիր է հղել Ռուսաստանի Դաշնության Նախագահ Վլադիմիր Պուտինին՝ Սանկտ Պետերբուրգի մետրոյում այսօր տեղի ունեցած ողբերգական պայթյունի կապակցությամբ, որը մարդկային զոհերի պատճառ է դարձել:

Սարգսյանը վստահություն է հայտնել, որ ՌԴ քաղաքային եւ դաշնային մարմինները կանեն ամեն հնարավորը, որպեսզի բացահայտեն տեղի ունեցածի պատճառները:

Սերժ Սարգսյանը խնդրել է իր կարեկցանքի եւ զորակցության խոսքերը փոխանցել բոլոր նրանց, ովքեր հարազատ եւ մտերիմ մարդկանց կորուստ են ունեցել, ինչպես նաեւ շուտափույթ ապաքինում է մաղթել բոլոր տուժածներին:

Սանկտ Պետերբուրգի մետրոյի կայարաններից մեկում ապրիլի 3-ին պայթյուն է տեղի ունեցել: Համաձայն ոչ պաշտոնական տեղեկատվության՝ պայթյունի հետևանքով զոհվել է 10 մարդ, ևս 20-ը տուժել: Զոհերի թվում կան նաև երեխաներ: